影片
更多
2018-05-29
87 浏览
尋日係36度高溫下由粉嶺踩完單車去大埔真係攰到索哂氣，決定要孖住寶食返餐勁既兼啤一啤佢！講到食返餐勁，當然唔使問就係食放題啦，仲要係超耐冇食既韓燒！openrice search下大埔有冇放題食，查實都唔係話咁多選擇，去返我之前去過既舊墟直街原來就有一間！仲要係我食過旺角果間既分店，唔怕伏，即入啦！門口寫到明係放題，仲有平有貴，長期糧尾又想食下肉就梗係揀平啲果款😂一入去就同佢講我想食弘大燒肉放題，原來佢都可以散叫架喎，唔想食咁多肉又想過下韓燒癮既朋友就可以散叫喇～不過當然放題係抵啲啦！入到去睇下個環境，大過旺角個場好多好多，感覺舒服d唔會周圍都係油煙出去睇下有咩飲，點知發現真係 不 得 了！竟然有我最最最最愛既比利時啤酒！！！我即刻就覺得呢個放題超級高汁完全冇黎錯！食放題叫手工啤仲要半價呀！抵到呀媽都唔認得喇！平日d比利時bar既啤賣緊成70－90蚊枝，呢度係24蚊！仲有tap beer都係29蚊，真係抵到我冇眼睇！menu選擇都算多，左面果行係弘大放題有包哂既牛，其他就任tick生菜都好似好新鮮，但係生菜，蛋同前菜就全部都係擺定係度既，如果可以有人坐低先擺就感覺會良好啲...有圍裙用
尋日係36度高溫下由粉嶺踩完單車去大埔真係攰到索哂氣，決定要孖住寶食返餐勁既兼啤一啤佢！講到食返餐勁，當然唔使問就係食放題啦，仲要係超耐冇食既韓燒！openrice search下大埔有冇放題食，查實都唔係話咁多選擇，去返我之前去過既舊墟直街原來就有一間！仲要係我食過旺角果間既分店，唔怕伏，即入啦！
門口寫到明係放題，仲有平有貴，長期糧尾又想食下肉就梗係揀平啲果款😂一入去就同佢講我想食弘大燒肉放題，原來佢都可以散叫架喎，唔想食咁多肉
又想過下韓燒癮既朋友就可以散叫喇～不過當然放題係抵啲啦！
入到去睇下個環境，大過旺角個場好多好多，感覺舒服d唔會周圍都係油煙出去睇下有咩飲，點知發現真係 不 得 了！竟然有我最最最最愛既比利時啤酒！！！我即刻就覺得呢個放題超級高汁完全冇黎錯！食放題叫手工啤仲要半價呀！抵到呀媽都唔認得喇！平日d比利時bar既啤賣緊成70－90蚊枝，呢度係24蚊！
仲有tap beer都係29蚊，真係抵到我冇眼睇！
menu選擇都算多，左面果行係弘大放題有包哂既牛，其他就任tick
生菜都好似好新鮮，但係生菜，蛋同前菜就全部都係擺定係度既，如果可以有人坐低先擺就感覺會良好啲...
有圍裙用幾貼心唔怕彈到油落件衫度，不過好似唔多環保喎哈哈！
如果我冇睇錯既話食另外果個江南放題，真露任！飲！真係人都癲，唔怪得每人枱面張餐紙係教你點mix酒飲係度買醉簡直一流超抵！
話咁快待應哥哥就放左成隻牛係我地面前，都幾震憾lol
燒完之後覺得以下三款牛堅好食好重牛味，邊個話放題一定係比劣質牛你？！澳洲和牛下腹腩，雪花腩片， 日本A4背峰肉
我個人覺得鹿兒島牛柳粒都幾好食，呢個係任tick架！
今次叫左杯kwak，待應哥哥斟得超好，好手勢抵讚！
仲叫左個真露蜆湯，蜆好入味唔會話好細隻，湯就唔覺得有真露味反而胡椒味超重，我鐘意！
最後仲一人送左個dreyers同movenpick，dreyers開心果味真係超級正，勁多開心果粒好有咬口，好滿足！！！
埋單兩個人都唔使300，可惜我地食完成隻牛已經被ko，飽到癲試唔哂佢其他野，一定有下次！
张贴
