活一鮮 (已結業)

琴日因為做嘢做到凌晨🤦🏻‍♂🤦🏻‍♂，所以今日瞓到好晏先起身。梳洗完之後就落街食嘢啦，其實樓下有一間我食左好多次嘅日本嘢，我見佢食物質素唔錯，所以決定介紹一下🙈🙈，呢間鋪頭唔係大型連鎖店，所以其實裝修簡單同埋鋪頭都較細。今日決定叫一個芒果三文魚天婦羅卷、帶子海膽蟹棒卷同溫泉蛋汁燒黑豚丼。芒果三文魚天婦羅卷方面，我覺得係較為特別，因為未食過同水果有關嘅天婦羅，大多都係蕃薯同大蝦，不過芒果呢個配搭新鮮之餘，都唔會話有中伏嘅感覺，三文魚係入面啦，至於芒果就包住左佢三文魚，可以一啖放落口嘅Size🤣🤣。帶子海膽蟹棒卷係每次黎到必食嘅嘢👍🏻👍🏻，海膽新鮮之餘，帶子都大大粒，超級鮮甜，蟹肉比啲飯粒包住，三樣放落埋口就一流啦。最後叫左個溫泉蛋汁燒黑豚丼，用料豐富，黑豚肉鋪滿左係飯面到，加埋啲醬汁撈埋一齊食，一個字「正」，食完個肚即刻脹卜卜。對於我食左幾次嘢原因，證明左呢間小店係值得一試，仲要食過番尋味添。