影片
更多
2021-07-28
581 浏览
夏天總係適合食啲清淡啲、涼浸浸嘅美食，日本菜絕對係首選，今日就黎到鮨一魂食omakase。我地被安排喺細房用膳，間房坐到6人，一坐低侍應就好細心提供置物籃、熱毛巾同熱茶，服務唔錯。先上桌嘅頭盤係枝豆豆腐，枝豆味嘅豆腐味道有驚喜，醬油味道較濃，算係幾清新嘅前菜。跟住開始就係壽司部分，第一件係福岡嘅間白魚，味道清淡，口感爽滑，食得出用料好新鮮，對之後嘅壽司期望更大。第二件係北海道八爪魚，爽口得黎唔韌。第三件係靜岡池魚配蔥蓉，蔥蓉真係磨得好幼細，食落同啲魚肉完美融合，味道黎講係咁多件入面最有驚喜嘅，醬汁同青檸嘅比例啱啱好。第四件係鹿兒島嘅赤身，係油脂感比較低嘅吞拿魚，比起上一件味道淡啲，算係個幾好嘅緩衝點。第五件係靜岡嘅比目魚，平時熟嘅比目魚就食得多，原來生嘅反而冇咁滑，但都係正常好食嘅。第六件係鹿兒島嘅中拖羅，比起赤身油脂感再多啲，幾欣賞佢個醬油，份量同鹹度都恰到好處。之後有啲驚喜，係個三文魚子加海膽嘅小丼飯，隻碗仔真係好迷你，好難得食到完全冇腥味嘅三文魚子，可見食材真係超高質。最後一件壽司係東京深海鰻魚，鰻魚有入口即溶嘅感覺，微微燒香之後再加醬汁真係好好食。作為結尾嘅小卷同樣水準不俗，蘿
我地被安排喺細房用膳，間房坐到6人，一坐低侍應就好細心提供置物籃、熱毛巾同熱茶，服務唔錯。
先上桌嘅頭盤係枝豆豆腐，枝豆味嘅豆腐味道有驚喜，醬油味道較濃，算係幾清新嘅前菜。
跟住開始就係壽司部分，第一件係福岡嘅間白魚，味道清淡，口感爽滑，食得出用料好新鮮，對之後嘅壽司期望更大。
第二件係北海道八爪魚，爽口得黎唔韌。
第三件係靜岡池魚配蔥蓉，蔥蓉真係磨得好幼細，食落同啲魚肉完美融合，味道黎講係咁多件入面最有驚喜嘅，醬汁同青檸嘅比例啱啱好。
第四件係鹿兒島嘅赤身，係油脂感比較低嘅吞拿魚，比起上一件味道淡啲，算係個幾好嘅緩衝點。
第五件係靜岡嘅比目魚，平時熟嘅比目魚就食得多，原來生嘅反而冇咁滑，但都係正常好食嘅。
第六件係鹿兒島嘅中拖羅，比起赤身油脂感再多啲，幾欣賞佢個醬油，份量同鹹度都恰到好處。
之後有啲驚喜，係個三文魚子加海膽嘅小丼飯，隻碗仔真係好迷你，好難得食到完全冇腥味嘅三文魚子，可見食材真係超高質。
最後一件壽司係東京深海鰻魚，鰻魚有入口即溶嘅感覺，微微燒香之後再加醬汁真係好好食。
作為結尾嘅小卷同樣水準不俗，蘿蔔、牛蒡同青瓜作為餡料，清新解膩。玉子賣相普通但有軟心嘅效果，同樣好有驚喜。而味噌湯同水果亦係期望嘅水準，總括黎講係值得一試嘅餐廳。
张贴
