瀧宴日本料理

营业中

休息中

今日天氣非常之好，約左朋友黎呢間瀧宴食鐵板燒，黎到見到個咁靚既維園同避風塘景，真係超正。頭盤既鴨胸雪梨，梨汁好清甜，襯得個鴨胸好好味。跟住個海鮮茶碗蒸都好靚。蛋上面仲淋左蟹肉絲汁，食落啖啖蟹肉。 蛋入面仲有百合，白果，山藥，真係超清潤。三文魚煎得好好，唔會過硬，而仲將魚皮煎脆放係魚上面做裝飾，又靚又好食。新鮮即燒南非鮑魚。 果然係新鮮既海鮮最好食，燒之前比客人睇過仲好生猛，燒後好爽甜，夾埋紫蘇葉既清香，真係好好既配搭。呢個燒牛肉，一次過有厚薄燒牛，牛肉燒5成，好有口感又保存和牛既白味。而薄卷有埋蔥蒜，食落有漢堡既感覺㖭。蟹肉蛋炒飯，令人真係有記得秋天既感覺。飯粒炒得均勻，好難得。炒什菜配埋個蒜香芝麻辣醬，真係一絕。最後更係要食埋甜品：檸檬蛋捲，真係好香，亦唔會太漏，對於食左咁多野都要咁鍾意食佢個甜品，就知有幾好食。