CARAT Fine Indian and Mediterranean Cuisine (盈豐商業大廈)

营业中

休息中

好耐冇同好姊妹去嘆美食，約咗一齊去食中東菜做午餐。中東菜唔係人人都鍾意，呢個好姊妹同我都好鍾意，一齊去食就啱晒。室內環境裝修好靚，感覺好高貴。啲位唔會好迫，疫情期間過嚟感覺好安全。如果唔係咁曬嘅天氣坐室外真係好好feel，下次夜晚嚟我要坐出邊感受下自由嘅空氣。我叫咗杯lavender lemonade😍😍浸薰衣草味好香，加咗少少檸檬梳打嘅感覺好fresh😎😎如果坐室外飲呢杯野應該會更加好feel。叫咗個小食拼盤，old Delhi chaat platter，係用唔同嘅豆做嘅小食，有鷹嘴豆又有牛油果醬三款都好好味仲要襯埋佢嗰啲炸嘅脆麵成個口感好豐富酸酸辣辣跟住又有嗰啲石榴肉甜甜地好好味好清新，雖然感覺好似熱氣萬歲，但係反而開胃同埋三款都好有新鮮感。姊妹叫咗masala tea，個茶味係chai tea嗰啲味，好好飲，好香😍😍我哋叫咗一個set lunch，machi masala set配烤餅，個咖哩魚柳好好食，冇諗過會咁好食，個咖喱我哋叫咗少少辣，配埋個烤餅真係食過返尋味。個烤餅實在太好味，我哋跟餐再加多一份烤餅。新鮮熱辣外脆內院唔會油膩，真係要正宗嘅中東菜先會做到呢啲咁好味嘅烤餅。