影片
更多
2013-06-23
604 浏览
早輪有團購，最平$299就可以喺中環食個二人晚餐！加埋一都係三百幾蚊。有時行街搭扶手電梯上到嚟，都見到呢檔門口有好多外國人隊啤，加上蘇豪區食西餐，平極有個譜，今次有機會，點都試一試。食之前幾日就訂定枱，去到都係六點三左右，門口係酒吧區，待應就帶咗我同女友入另一邊嘅用餐區。入座時出示團購證明，待應就即刻遞上指定餐單。考慮咗一陣，主菜都係揀炸魚同埋牛肉批。頭盤係招牌菜鹹布甸。叉開布甸，將肉汁釀入去，食一啖……好似食焗魚腸啲蛋咁一層層，試吓又無妨嘅；隔離個尖筒，研究咗一輪都唔知點食好，女友索性扑爛佢點汁食。其實個脆筒有少少辣，點返啲汁戥返勻就恰到好處。第二碟一上……吓？咩料呀？成件冇主題嘅藝術品咁，碟大料細唔啱比例，都唔知食邊樣先！平時食開生車厘茄，今次燒過嘅，食落同普通蕃茄冇分別；隔離隻蛋鹹咗少少，落鹽落得重手咗；左邊件包拼磨菇，同埋條腸仔，其實幾香口，不過份量少咗啲；最右手邊嗰件黑布甸，感覺似係食好實芯嘅朱古力蛋糕咁，其實都幾好食嘅。主菜上枱。呢個批，酥皮喺面，我就當佢係酥皮湯咁食，篤晒啲酥皮入去牛肉餡度！呢碟嘢牛肉味好濃，不過配蕃茄醬就好似浪費咗，咁夠味就咁食已經可以。所以碟蕃茄醬用嚟
食之前幾日就訂定枱，去到都係六點三左右，門口係酒吧區，待應就帶咗我同女友入另一邊嘅用餐區。入座時出示團購證明，待應就即刻遞上指定餐單。
考慮咗一陣，主菜都係揀炸魚同埋牛肉批。
頭盤係招牌菜鹹布甸。叉開布甸，將肉汁釀入去，食一啖……好似食焗魚腸啲蛋咁一層層，試吓又無妨嘅；隔離個尖筒，研究咗一輪都唔知點食好，女友索性扑爛佢點汁食。其實個脆筒有少少辣，點返啲汁戥返勻就恰到好處。
第二碟一上……吓？咩料呀？成件冇主題嘅藝術品咁，碟大料細唔啱比例，都唔知食邊樣先！平時食開生車厘茄，今次燒過嘅，食落同普通蕃茄冇分別；隔離隻蛋鹹咗少少，落鹽落得重手咗；左邊件包拼磨菇，同埋條腸仔，其實幾香口，不過份量少咗啲；最右手邊嗰件黑布甸，感覺似係食好實芯嘅朱古力蛋糕咁，其實都幾好食嘅。
主菜上枱。呢個批，酥皮喺面，我就當佢係酥皮湯咁食，篤晒啲酥皮入去牛肉餡度！呢碟嘢牛肉味好濃，不過配蕃茄醬就好似浪費咗，咁夠味就咁食已經可以。
所以碟蕃茄醬用嚟點薯條炸魚好過，點都夾過蛋黃醬。而炸魚嘅啤酒味亦都食得出，幾香口。
最後上嘅甜品三寶：上起焗蘋果酥、中間係Cream加士多啤梨醬、最下係拖肥布甸，兩個人份量。先食中間嗰隻杯，你話係士多啤梨我就唔覺，甜甜哋好似落咗甜粉咁，中和咗士多啤梨味，我係唔食士多啤梨嘅都接受到。跟住食個焗蘋果酥，一粒粒蘋果粒釀晒入去，亦都唔係咁重蘋果味道，但又唔係太過甜咁。最下低嗰件拖肥布甸，我會先諗拖肥糖嗰種黐牙感覺；但係呢個拖肥布甸，似係食朱古力但係軟身好多，兩個人食晒三件都唔會滯。成餐飯，碟碟都係細細件，以為食唔飽要去食糖水，但係食完成餐，兩個人都覺得飽，啱啱好。如果用原價$600真係要諗吓先！而家用$300多啲就可以喺中半山食西餐，又要食得飽，真係乜都值返晒！
题外话/补充资料：
此店員工主要由菲藉人士主理，英語能力冇咁好的話，食之前最好預備定先。
(以上食记乃用户个人意见 , 并不代表OpenRice之观点。)
张贴
