大滿喜日本料理 (已結業)

假期同一班朋友係觀塘行街買完野，就想食放題。觀塘食放題有好多選擇，但我就推薦大滿喜日本料理 - 觀塘店，地方都闊躺，價格若早段或宵夜時間都吾算貴。食材飲品選擇多，刺身新鮮，當中三文魚， 甜蝦都好食，讚嘅係點幾多俾幾多，吾會扣左俾你，食得幾爽，手卷都靚，海膽手卷俾好多海膽，其他放題可能得佢一半份量咋，而且質素都好，新鮮好味。其他天婦羅，串燒，都正常，冇批評嘅，記得仲有菜食，碟通菜好食，辣辣地，吾錯。飲品，甜品同水果都自助， 咁都算多選擇，有韓國飲品，汽水，茶等。 甜品有蛋糕仔，雪糕，雪條，雖然不是貴價雪糕，不過都算吾錯，不只一種味道。所以一家大細朋友仔經過觀塘都要來大滿喜日本料理試下。