蘇記流心燉蛋專門店

营业中

休息中

元朗一日遊其中一站就係蘇師傅燉蛋白，我地好好彩，原來蘇師傅同太太去左十幾日旅行，岩岩先開返第一日，呢度開三點半，所以食完勝利就黎食碗燉蛋白做下下午茶，先再去屯門食小曼谷🤪光顧蘇記前你地一定要清楚以下：1- 呢度係揀凍同熱，無其他，但一個地方只要有一個 signature 就夠👍🏻2- 唔好質疑佢無燉蛋賣咁蛋黃會浪費哂，蘇師傅係會送俾附近食店用，以免造成浪費👍🏻大家可能以為我係打手，但係去得小店就係有個可以同老闆傾計嘅好處，大家都可以享受下呢種情懷😃一去到咁岩蘇師傅行左出黎，見到佢就有親切感，食人情味食誠意係呢度😃店內環境：主角：平心而論，係咪要特登搭長途車黎食，就唔係，但呢間嘅特色係人情味同好味嘅燉蛋白。如果有日經開，我會再食。好評，係俾蘇師傅嘅。