影片
更多
2021-07-16
145 浏览
成日都見到哩間嘢咁多人排隊，就去左試下。嗰日係平日，排左成個鐘先入到😵夏天熱辣辣咁排，真係就死，入到去仲要食麵，真係有啲頂唔順🤣哩間餐廳除左主打俾減肥/生酮人士食之外，亦都係俾雀友黎食！啲餸名超特別，而我同朋友就嗌左三個名菜，一試佢地好唔好食！十三么 （$66）首先每張枱都會有一杯蝦餅！除左打卡able 之外，仲勾起到小時候嘅回憶！🤣講返碗飯，係清甜嘅雞湯，我就覺得一般般啦，就係普普通通嘅雞湯，佢嘅特別之處，係有兩種麵質！可以一次滿足兩個願望。😂而嗰三片肉，我覺得有啲韌😵，麻麻地。同埋令我失望嘅係，佢明明用石鍋上，但一啲滾滾地嘅感覺都無，點都俾啲沙沙聲啊，無🥲不過味道道不過不失，同埋份量都足夠嘅。十三飛 （$72）係牛骨湯做湯底，仲有牛肋條同牛肩胛做配菜。啲牛都冧，牛味亦都重，但份量有啲少🤣同樣都係有兩隻麵質，好特別！重點係隻塘心蛋！真係好流心，煮到啱啱好，雖然得半隻，有啲唔夠喉🥲大三元 （$68）哩個唔同啲！首先佢唔係用鍋上，第二佢係撈飯黎！就係雞絲撈飯，另外有一個塘心蛋同4片韌韌地嘅肉。飯好重雞油味，非常惹味！亦都有大量蔥花同油，成碗都好地道同重味，但唯一唔會就係比較油。總括而言，
哩間餐廳除左主打俾減肥/生酮人士食之外，亦都係俾雀友黎食！啲餸名超特別，而我同朋友就嗌左三個名菜，一試佢地好唔好食！
十三么 （$66）
首先每張枱都會有一杯蝦餅！除左打卡able 之外，仲勾起到小時候嘅回憶！🤣講返碗飯，係清甜嘅雞湯，我就覺得一般般啦，就係普普通通嘅雞湯，佢嘅特別之處，係有兩種麵質！可以一次滿足兩個願望。😂而嗰三片肉，我覺得有啲韌😵，麻麻地。同埋令我失望嘅係，佢明明用石鍋上，但一啲滾滾地嘅感覺都無，點都俾啲沙沙聲啊，無🥲不過味道道不過不失，同埋份量都足夠嘅。
十三飛 （$72）
係牛骨湯做湯底，仲有牛肋條同牛肩胛做配菜。啲牛都冧，牛味亦都重，但份量有啲少🤣同樣都係有兩隻麵質，好特別！重點係隻塘心蛋！真係好流心，煮到啱啱好，雖然得半隻，有啲唔夠喉🥲
大三元 （$68）
哩個唔同啲！首先佢唔係用鍋上，第二佢係撈飯黎！就係雞絲撈飯，另外有一個塘心蛋同4片韌韌地嘅肉。飯好重雞油味，非常惹味！亦都有大量蔥花同油，成碗都好地道同重味，但唯一唔會就係比較油。
總括而言，嘢食係特別，味道不過不失，價錢係偏貴，但排隊時間真係太長太長😵唔鐘意排隊嘅就考慮其他啦。
张贴
