稻成京川滬 (新都會廣場)

营业中

休息中

今日天氣凍咗，想食辣嘢暖身，正好經過呢間裝修雅緻，環境寬敞，主打食京川滬菜食店。午市優惠套餐有飯有餸，又可以飲多啲水，一於入去試吓啦！點左個韭黃鱔糊湯麵+瓦屋山龍抄手$88。上海麵爽口滑身，質地遍腍但沒有漿口嘅感覺，奶白色湯底，清甜可口唔油膩，應該係豬骨精湯。鱔糊味道一般，魚肉厚身有咬口，但略嫌唔夠熱，韭黃又沒有香味。山龍炒手皮薄而潤滑，豬肉韭菜餡料，肉味較淡，好彩有辣油增添味道。我最欣賞佢個杯普洱茶，香氣撲鼻，飲落去醇厚回甘。其實大集團有能力將食物質素及味道做得出色一點，我暫時未找到佢嘅獨特之處。