大日子酒家

居於美國的舅公回鄉探望親人，途經香港作短暫停留。
今晚家人特地安排於大埔的飯堂(大日子) 同舅公食晚飯。

6人的晚飯，但都叫咗唔少的小菜。
薑葱蠔 - 蠔夠鮮味。
薑葱蟹 - 蟹好新鮮，炒得惹味。
蒜蓉蒸扇貝 - 如果多啲粉絲會更好，扇貝未算好大隻，不過都係好新鮮。
沙巴 - 烹調時間掌握得好，鮮嫩好味。
花生苗 - 今次相對較為辣，唔係個個食到。
鴛鴦炒飯 - 大家都滿意，清晒
乳豬半隻 - 皮脆肉嫩，我食咗3大舊。
片皮鴨 - 皮脆之餘，鴨肉的口感亦一流。

整體食物及服務都令人滿意。