甜姨姨私房甜品 (清風街)

营业中

休息中

今日小朋友學校有活動，所以去咗天后附近接佢放學，諗住搭地鐵回家經過呢間甜品店，門口係蘇拖黃推介，小朋友又話想食甜品，所以一於去試一試原來呢度甜品選擇都幾多，中式西式連台式甜品佢都有，價錢都算合理大熱天時最緊要飲番杯涼透心嘅飲品，呢杯芒果益力多沙冰就啱晒啦，飲落肚嘅時候真係非常之冰凍，加上芒果味充足，加埋益力多酸酸甜甜，好好味其實講真我食甜品唔算特別太喜愛，只係當陪小朋友，不過呢度有呢款鹹蛋黃魚蛋，我覺得幾特別，鹹蛋黃用好香加上有少少微辣，魚蛋都幾大粒最緊要夠彈牙，配埋鹹蛋黃醬一齊食，非常好食。小朋友嘅甜品終於黎啦，就係心太軟，即叫即做等左15分鐘先有得食，加埋綠茶雪糕，成個感覺唔會太甜，心太軟當然要有軟心朱古力，而且仲要係有流心嘅感覺，先夠正宗，心太軟除咗好食之外，賣相都好緊要，小朋友一見到碟上面有三隻啤啤，回家之後都仲記得，同埋已經講咗下次學校再有活動一定要再嚟食。