影片
更多
2020-11-15
219 浏览
疫情關係無得飛日本，唯有去日本餐廳當去左！今次揀間高尚少少等環境更加相似當地feel.環境非常優美極似日本連鎖磯燒餐廳，咁啱隔離仲坐咗日本人喺度講緊日文！食材都係來自日本，食材同環境都非常當地！每檯有一位專負責燒食物嘅職員，職員非常細心.like 社交平台 仲可以玩一手赤蝦，拎到幾多就送幾多！一手拎到8隻赤蝦，咁就一半燒一半刺身！刺身赤蝦肉質彈牙鮮甜，我會推介刺身赤蝦食法！北海漁港 二人前套餐（每位$488加一）前菜：河豚魚干 - 魚干唔會燒到乾爭爭，熱食時魚干濕濕地軟身啲，如果鍾意食硬身啲就等凍左.凍左硬身啲嘅魚干送酒一流！清酒昆布大蜆煮 - 蜆分量好多隻，清酒味唔會好重，加埋昆布湯汁好清甜浜燒料理：九州松葉蟹（半隻)蟹肉一絲絲好新鮮，肉質鮮甜，蟹身唔會好細隻.青森網鮑x2 網鮑超大隻勁新鮮，仲郁下郁下咁，唔怪得之叫做殘酷網鮑，因為燒嘅過程中網鮑仲郁緊，肉質彈牙兵庫縣播磨蠔x2 通常蠔燒完都會縮水，但依隻蠔好勁！蠔燒完都無乜縮水！入面膏位極之鮮甜！好食到不得了！北海道帆立貝 x2 職員燒到啱啱好，配上柚子芥末食落好特別，入口少少辣中帶柚子香味之後再帶出帆立貝鮮甜味！蟹味噌
環境非常優美極似日本連鎖磯燒餐廳，咁啱隔離仲坐咗日本人喺度講緊日文！食材都係來自日本，食材同環境都非常當地！每檯有一位專負責燒食物嘅職員，職員非常細心.
like 社交平台 仲可以玩一手赤蝦，拎到幾多就送幾多！一手拎到8隻赤蝦，咁就一半燒一半刺身！刺身赤蝦肉質彈牙鮮甜，我會推介刺身赤蝦食法！
北海漁港 二人前套餐（每位$488加一）
前菜：
河豚魚干 - 魚干唔會燒到乾爭爭，熱食時魚干濕濕地軟身啲，如果鍾意食硬身啲就等凍左.凍左硬身啲嘅魚干送酒一流！
清酒昆布大蜆煮 - 蜆分量好多隻，清酒味唔會好重，加埋昆布湯汁好清甜浜燒料理：
九州松葉蟹（半隻)蟹肉一絲絲好新鮮，肉質鮮甜，蟹身唔會好細隻.
青森網鮑x2 網鮑超大隻勁新鮮，仲郁下郁下咁，唔怪得之叫做殘酷網鮑，因為燒嘅過程中網鮑仲郁緊，肉質彈牙兵庫縣播磨蠔x2 通常蠔燒完都會縮水，但依隻蠔好勁！蠔燒完都無乜縮水！入面膏位極之鮮甜！好食到不得了！
北海道帆立貝 x2 職員燒到啱啱好，配上柚子芥末食落好特別，入口少少辣中帶柚子香味之後再帶出帆立貝鮮甜味！
蟹味噌甲羅燒 x2 配蒜蓉多士，多士索晒蟹味噌食落啖啖蟹膏，極之邪惡！
山之惠黑松露茸野菌箔燒 （一份 ）好香濃黑松露味，雜菌菇比黑松露汁包圍埋，每件都包滿黑松露汁！
京都鰻魚茶漬飯 x2 其實係燒過嘅飯團加上鰻魚浸湯汁，口感好特別，飯焦浸上湯汁令原本乾爭爭嘅飯焦變濕潤後但同時保留到煙韌口感！
甜品 - 紅豆雪糕，紅豆一粒粒，雪糕少甜中帶少少紅豆香味.
非常滿足嘅一餐
张贴
