豆腐沙律($98)，有烘麵包粒，食落增加脆口，豆腐滑溜溜，胡麻醬加豆腐永遠都係絕配，好醒胃。
日本產和牛＆海鮮豪華拼盤($1980)，見到和牛心裏既喜悅簡直爆滿，急不及待起動，先燒海產，有帶子、鱈場蟹腳、鮑魚、蝦，鮑魚最有驚喜，廚師已經花和去除內臟，美觀得黎又容易燒熟，口感有半爽半彈牙口感，蝦虎非常厚肉大隻。
和牛西冷，四款牛肉部位之中，西冷牛味唔算重，但肉質軟林，油脂濃郁。
和牛上肩眼，牛味重，肉質唔算林，油脂亦都好濃郁。
和牛上牛排肉，牛味重，肉質軟林，油脂濃郁。
特選和牛牛排肉，比較上牛排肉，特選和牛各方面都更優勝。總括和牛任何部位既牛肉，油脂全部好濃郁，口腔充滿油脂香，入口有溶化感覺，而且油脂分佈平均，燒起上黎容易熟，只需要輕輕每邊燒幾秒就足夠。
冷麵($100)，淨係食和牛會容易油膩，冷麵好有清新感覺，能夠消除口腔既油膩感，而且可以飽肚。
壽司拼盤5件($228)，甜蝦、帶子、吞拿魚、章紅魚、三文魚壽司，五款魚生都好新鮮，帶子厚身肥美，肉質滑溜溜，章紅魚軟林得黎帶有少少爽口。
荔枝梳打($45)、桃燒酌梳打($55)，食燒肉配凍冰冰既飲品，真係好暢快，桃燒酌酒精唔濃，而且生果味，甜甜地易入口。
