漢堡王 (已結業)

雖然小弟唔算係好年輕，但真係無印象多年前Burger King係香港市區有分店既時候有無試過，所以就當佢今次返黎香港市區我第一次試食，開頭諗住同Triple O's 咁上下價錢，點知呢度比較平，有d三十幾蚊，有d仲平到廿幾蚊就一個餐，結果我叫o左呢個炭燒漢堡餐只係廿六蚊，典型美式漢堡餐，有包有薯條有汽水，汽水同薯條唔算突出，不過個包比我想像中好好多，首先雖然佢無Triple O's 果d咁大個，大約同m記果d差不多，反而仲適合我，因為小弟細食，一咬落去，個包已經贏晒m記，比較軟身，唔似m記果d又硬又乾，塊肉更加唔駛講，m記近年質素越黎越差，又係又乾又無肉汁，仲加上肉質都係差o左好多，呢度就唔同，雖然唔係話好多內汁，但起碼食倒有，再加埋佢有兩樣醬係入面，一種白色一種深色，雖然唔知係乜，總之就好配合個包，再加埋d我喜歡食既洋蔥，呢個包都真係算非常好了。諗返轉頭，當年點解佢會敗退呢？可能以前已經係咁上下價錢，咁m記真係平佢好多，但而家m記都唔係平得佢幾多，你比我揀我一定選擇比多幾蚊，質素大大提升，可能分店仲係唔多，希望今次多d人識欣賞，唔好再輸多獲，可以做大佢同m記爭下就好了。下次再黎！