大將 (已結業)

今日再嚟到呢間食放題，質素依然好高而且有好多款式，選擇困難症都唔怕!今日食既係呢個美國SRF和牛，價錢已經包埋飲品區任飲同埋甜品。另外仲有少少熟食再加唔同火鍋配料，以呢個價錢其實都真係幾抵食! 仲有送餐機械人，幾得意又夠衛生!火鍋配料其實有好多款，丸類都有黑椒牛丸、墨魚丸、海膽丸等等，仲有唔同既蔬菜類，唔怕食唔夠菜! 牛肉方面話明係和牛，肉質比起普通牛更加鮮嫩而且牛肉味好濃。最驚喜既係個雞睥肉，真係好滑而且冇渣，又食到有雞味，同一般既火鍋完全唔同! 我地既湯底分別係味噌湯同埋蘋果蟲草，健康又唔會太清!另外甜品區仲可以自助整格仔餅，朋友食到唔停口而且仲話個味真係拍得住長龍人氣格仔餅店添!