影片
更多
2024-01-22
33 浏览
🌟餐廳：㷫烚烚📍地址：旺角登打士街56號家樂坊8樓802號舖💰價位：～$200 - $400⏰營業時間：星期一至日 16:00 - 23:00📱電話：25502802 / 52328887雞煲、火鍋及海鮮就食得多，有冇諗過一個價錢就可以歎足哂咁多款？朋友仔今日帶我嚟到呢一間「㷫烚烚」，可以食勻任點前菜、雞煲、海鮮拼盤、羊肉煲、火鍋放題及各款飲品，性價比極高，即刻介紹吓先！———————————————————🔹前菜小食任點任吃提供多款小食，包括椒鹽魷魚鬚、椒鹽雞軟骨、麻辣鴨血、皮蛋豆腐等等，種類選擇非常多！我就最鍾意麻辣鴨血，椒麻味香濃，微微辣，再加上嫩滑嘅鴨血，食得好過癮！———————————————————🔹招牌火焰雞煲店員送上大大煲香噴噴嘅雞煲，加入茅台酒即叫即炒，鑊氣十足，香辣火噴噴！雞肉及配料份量十足，肉質嫩滑得來，醬汁濃郁嘅酒香味，值得一試！———————————————————🔹蒸時令海鮮拼盤嘆完雞煲店員就送上一大盤新鮮即蒸嘅海鮮拼盤！有齊鮑魚、扇貝、大蝦、大顯、聖子、魷魚、粉絲及粟米等等，加入惹味嘅蒜蓉辣椒醬蒸制，包羅萬有，超豐富！我就最鍾意粉絲及扇貝，扇貝肉夠晒厚身
📍地址：旺角登打士街56號家樂坊8樓802號舖
💰價位：～$200 - $400
⏰營業時間：星期一至日 16:00 - 23:00
📱電話：25502802 / 52328887
雞煲、火鍋及海鮮就食得多，有冇諗過一個價錢就可以歎足哂咁多款？
朋友仔今日帶我嚟到呢一間「㷫烚烚」，可以食勻任點前菜、雞煲、海鮮拼盤、羊肉煲、火鍋放題及各款飲品，性價比極高，即刻介紹吓先！
———————————————————🔹前菜小食任點任吃
提供多款小食，包括椒鹽魷魚鬚、椒鹽雞軟骨、麻辣鴨血、皮蛋豆腐等等，種類選擇非常多！我就最鍾意麻辣鴨血，椒麻味香濃，微微辣，再加上嫩滑嘅鴨血，食得好過癮！
———————————————————🔹招牌火焰雞煲
店員送上大大煲香噴噴嘅雞煲，加入茅台酒即叫即炒，鑊氣十足，香辣火噴噴！雞肉及配料份量十足，肉質嫩滑得來，醬汁濃郁嘅酒香味，值得一試！
———————————————————🔹蒸時令海鮮拼盤
嘆完雞煲店員就送上一大盤新鮮即蒸嘅海鮮拼盤！有齊鮑魚、扇貝、大蝦、大顯、聖子、魷魚、粉絲及粟米等等，加入惹味嘅蒜蓉辣椒醬蒸制，包羅萬有，超豐富！
我就最鍾意粉絲及扇貝，扇貝肉夠晒厚身啖啖肉，粉絲索盡蒜蓉辣椒及海鮮精華，食得好滿足！
———————————————————🔹雙冬羊腩煲
主角出場！
我哋今日嘅火鍋就揀咗雙冬羊腩煲，先歎番個古法炮製嘅羊腩煲，之後再用呢個湯底吃盡埋火鍋放題，無得輸！雙冬羊腩煲材料份量十足，羊腩大大件，炆煮得夠淋身及入味，配料加入蘿蔔、馬蹄及粟米，夠晒豐富！
———————————————————🔹火鍋放題
意猶未盡嘅我哋就進入任飲任食嘅火鍋環節！呢度仲提供埋M9 和牛，牛胸爽等人氣牛肉部位，出邊嘅火鍋自助配料區更加包羅萬有，有齊各式丸類、蔬菜、炸魚皮、出前一丁、汽水、冷泡茶、西米露及涼粉甜品，超多選擇，仲有一款啱你心水！
我就特別鍾意呢度嘅M9 和牛及牛筋丸！M9和牛，油脂雪花分布平均，入口滑順，牛味濃郁；牛筋丸入口夠晒彈牙啊，咬落仲爆汁，大推！
為食朋友仔，最後仲用濃濃嘅羊腩湯底，歎埋返個出前一丁，咁至夠滿足！
值得一讚呢一度嘅冷泡茶系列，款式眾多，我哋就最鍾意竹蔗茅根及白桃烏龍茶，真材實料，重點係任飲，啱岩食雞煲及打邊爐慢慢歎！
———————————————————😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
一個價錢就可以食勻咁多款美食，性價比夠晒高之餘，質素亦有保證！
主打嘅火焰雞煲，有店員即場炒製，加入茅台酒後達致火焰效果，打卡一流！
火鍋放題嘅配料選擇眾多，包羅萬有，特別推介呢度嘅羊腩煲，份量十足，而且炆煮入味，冬天黎食暖身又滋補！
张贴
