泰 (銅鑼灣廣場二期) (已結業)

媽媽話今晚唔煮飯，想食泰國菜，我地就決定去食thaiology，呢間地方大，坐得舒適。我地叫左個二人餐，好多嘢食。我好想泰式生蝦所以另外叫左一份，新鮮爽口彈牙。椰汁雞湯椰汁味濃，配料好多，鮮甜。脆炸蝦餅炸得脆卜卜，蝦餅熱辣辣，肉質彈牙。海南雞半隻啖啖肉，雞肉嫩滑多汁。泰式鮮蝦炒金邊粉份量唔少，酸酸甜甜幾開胃，金邊粉炒得乾身，鮮蝦爽口彈牙。泰式炒雜菜而家叫2人餐同4人餐都可以加$28有個甜品。我地叫左芒果糯米飯，以為係迷你版，點知份量好多，芒果好甜。