影片
更多
2020-07-12
901 浏览
終於放寬咗限聚令，成班舊同事約出去食飯。見到Openrice有Coupon，$179就食足3個鐘，可以邊食邊吹水。一大盤的刺身，顏色鮮明的刺身非常新鮮，加上塊塊都厚切，真係啖啖肉！同其他放題店唔同，呢到除咗有刺身外，仲有泰式生蝦刺身，入口酸酸辣辣，非常惹味。珍寶帶子刺身大大粒，又夠晒軟滑，！如果大家唔夠喉，仲可以加85蚊仲可以任食生蠔同埋海膽軍艦，再加清酒梅酒任飲。最衰有同事唔想飲酒，所以我哋今次無加到，下次再約班酒友嚟試下。雖然食放題唔應該食咁多壽司，不過有啲刺身唔可以就咁叫，所以我都叫咗鰻魚壽司、花之戀、帶子壽司、甜蛋壽司，同埋吞拿魚蓉壽司。我最愛嘅鰻魚壽司燒得都幾香，加埋甜甜嘅燒汁就更香口。食完刺身嘅帶子唔多夠，所以我再叫埋壽司。炙熱海膽蝦都係唔錯的選擇，表面燒香的玻璃蝦，食落幾惹味。芝士焗生蠔同帆立貝用錫紙兜住，蠔肉唔係太多粒，不過勝在芝士醬夠香。帆立貝用洋蔥炒香，加埋辣椒炒埋一碟，所以好香口！菠蘿又係必食，超級Juicy！一咬落去啲菠蘿汁咇晒出嚟，真係好鬼正！食飽又係食雪糕嘅時候！有維記雪糕同雪米糍任食，另外仲有韓式雪條。大家記住留肚食！
一大盤的刺身，顏色鮮明的刺身非常新鮮，加上塊塊都厚切，真係啖啖肉！同其他放題店唔同，呢到除咗有刺身外，仲有泰式生蝦刺身，入口酸酸辣辣，非常惹味。
珍寶帶子刺身大大粒，又夠晒軟滑，！
如果大家唔夠喉，仲可以加85蚊仲可以任食生蠔同埋海膽軍艦，再加清酒梅酒任飲。最衰有同事唔想飲酒，所以我哋今次無加到，下次再約班酒友嚟試下。
雖然食放題唔應該食咁多壽司，不過有啲刺身唔可以就咁叫，所以我都叫咗鰻魚壽司、花之戀、帶子壽司、甜蛋壽司，同埋吞拿魚蓉壽司。
我最愛嘅鰻魚壽司燒得都幾香，加埋甜甜嘅燒汁就更香口。
食完刺身嘅帶子唔多夠，所以我再叫埋壽司。
炙熱海膽蝦都係唔錯的選擇，表面燒香的玻璃蝦，食落幾惹味。
芝士焗生蠔同帆立貝用錫紙兜住，蠔肉唔係太多粒，不過勝在芝士醬夠香。
帆立貝用洋蔥炒香，加埋辣椒炒埋一碟，所以好香口！
菠蘿又係必食，超級Juicy！一咬落去啲菠蘿汁咇晒出嚟，真係好鬼正！
食飽又係食雪糕嘅時候！有維記雪糕同雪米糍任食，另外仲有韓式雪條。大家記住留肚食！
张贴
