神戶屋日韓放題

营业中

休息中

兆萬中心向來都係放題勝地，今次見到兩個人食神戶屋放題都唔使過450蚊，簡直係超值，所以決定再試下呢間嘢嘅水準 。我哋叫咗好多嘢食，而且飲咗好多唔同類型嘅飲品。總括嚟講啲嘢食好高質素，而且啲刺身都好多選擇，有鮮蝦，帶子，鮑魚，三文魚等等，好多都係貴價嘅刺身。 另外佢仲有海膽送，啲海膽好甘甜好好味食完好滿足!壽司都有好多唔同類型嘅選擇 ，而最特別嘅就係有黑松露帶子壽司，黑松露味雖然好重，但係都唔會蓋過帶子嘅鮮味，真係一流!而且熟食方面好多都係高級食品， 例如羊架，炭燒蠔 ，芝士焗大蝦同埋焗帶子等等。 我最欣賞嘅就係芝士大蝦上面既芝士味好濃郁，同個蝦嘅味道搭配得好好，而且隻蝦燒得好彈牙，好爽口，好入味 ，每次都食到好飽 。另外環境方面 ，呢間嘢坐位都好舒適，而且食物上得好快， 所以好滿意今次嘅晚餐，一定會下次再來幫襯。