湊湊火鍋‧茶憩 (圍方)

营业中

休息中

平時都好鍾意嚟下午茶，依家仲做緊大驚喜，128蚊任食仲加埋自助區，平時自助區分開加每位都要五六十蚊，依家手搖飲品連主食，自助區台式小食都係任食，感覺實在太化算，呢間嘅台式小食實在唔錯，台灣菜嚟講都算係正宗。真係好鍾意食佢哋呢個蠔仔撈麵味道啱啱好又夠鮮香。仲有台式蚵仔餅正宗台灣市集風味。自助區仲有滷肉飯，涼拌小菜，生果任食。另外叫咗一品海皇大閘蟹粉麵，用大閘蟹粉撈嘅麵都好鮮甜。仲有個鳳梨啤酒蝦燒鍋，柴油鳳梨啤酒味嘅鍋都幾特別。