影片
更多
2009-05-25
60 浏览
尋晚我同老公, 仔仔 (6歲)一家三口係麵軒食飯. 結果搞到一肚氣. 唔該麵軒老細, 如果你睇到既話, 請你好好教育吓你啲員工, 尤其係啲waiter & waitress, 佢地啲態度真係"好"到你唔信.我坐一家三口, 坐低之後, 我老公同個帶呔既waiter (相信係supervisor) 落order, 佢點咗: 三杯雞竹筒飯, 雞絲牛乳湯拉麵, 1杯熱薑母奶茶, 1杯凍苿香綠茶 and 1杯巨峰提子乳酪.落咗order 冇耐, 我個仔唔知點整跌咗隻筷子, 於是我鬧鬼我個仔好掛住玩整跌筷仔. (但唔係多手搞其他野). 之後, 佢地好快上咗碟油菜, 我叫個waitress 比個碗我個仔. 個waitress應咗一句"好呀" 之後等咗好耐冇碗. 冇耐碗麵上咗, 我地捉住個supervisor攞個碗比個地, 佢就吩咐其他waitress攞比地, 結果又等咗好耐都冇. 最後我地捉住個waiter, 請佢攞比我地, 今次好啦. 終於有碗食.食食吓個waitress攞住杯咖啡比我地, 我老公好客氣咁同佢講"sorry, 我地冇叫咖啡喎!". 點知佢轉頭帶埋個肥妹waitres
尋晚我同老公, 仔仔 (6歲)一家三口係麵軒食飯. 結果搞到一肚氣. 唔該麵軒老細, 如果你睇到既話, 請你好好教育吓你啲員工, 尤其係啲waiter & waitress, 佢地啲態度真係"好"到你唔信.
我坐一家三口, 坐低之後, 我老公同個帶呔既waiter (相信係supervisor) 落order, 佢點咗: 三杯雞竹筒飯, 雞絲牛乳湯拉麵, 1杯熱薑母奶茶, 1杯凍苿香綠茶 and 1杯巨峰提子乳酪.
落咗order 冇耐, 我個仔唔知點整跌咗隻筷子, 於是我鬧鬼我個仔好掛住玩整跌筷仔. (但唔係多手搞其他野). 之後, 佢地好快上咗碟油菜, 我叫個waitress 比個碗我個仔. 個waitress應咗一句"好呀" 之後等咗好耐冇碗. 冇耐碗麵上咗, 我地捉住個supervisor攞個碗比個地, 佢就吩咐其他waitress攞比地, 結果又等咗好耐都冇. 最後我地捉住個waiter, 請佢攞比我地, 今次好啦. 終於有碗食.
食食吓個waitress攞住杯咖啡比我地, 我老公好客氣咁同佢講"sorry, 我地冇叫咖啡喎!". 點知佢轉頭帶埋個肥妹waitress (e個由頭到尾態度最差, 但絕對冇針對, 真係按佢成晚既表玩嚟講)走埋嚟. 個waitress 好唔客氣咁同我老公講話check過order話我地係叫咗咖啡 (仲黑面). 我老公咪攞住個menu同佢講:" 我地真係冇叫過咖啡, 只係叫咗苿香綠茶同巨峰提子乳酪). 跟住個waitress乜都唔講就走咗去, 然後個肥妹黑晒口面同我老公落過飲品既order.
可能我老公擺得個menu唔好, 轉個頭個menu冧咗落嚟, 仲整瀉咗啲調味料. 咁啱個waiter哥哥行過, 佢本來好好人咁好快幫我地抺咗, 我仲好客氣咁唔該佢添. 點知e個waiter 哥哥好唔客氣咁話我個仔, :[小朋友, 下次唔好咁多手啦] 當時, 我個仔一路用手hold住筷子, 乜都冇掂過. 嘩! 搞錯呀! 乜態度呀!? 叫你幫手抺, 使唔使話我個仔出氣呀?! 咁我咪好勞嘈咁話返個waiter 哥哥: [佢一路食緊野, 乜都冇掂過呀! 係個menu冧落嚟咋] 個waiter 好串咁回應我: [係咩?! 乜個menu咁危險呀?! 等我收番佢先啦!] (e啲係乜款客態度呀?!) 個waiter哥哥一行開我咪細聲同老公發火囉.
之後嗰個好唔信我老公嗰個waitress想趕我地走, 見我一飲完杯薑母奶茶就即走嚟收我杯, 仲黑住面問我:[收得未!?] 其實當時我地只係啱啱叫咗佢埋單, 佢地應咗我地但單都到就淨係收我隻杯, 都唔明佢收嚟做乜, 幾分鍾後我都走架啦? 之後個肥妹waitress 黑晒面咁攞張單過嚟 : [ (好晦氣咁) 多謝187蚊呀!] e句野最後激到連我好脾氣既老公都好嬲.
呀麵軒呀, 你地落咗order呢, 我唔介意呀, 我係好嬲你地啲服務態度呀! 唔係第一次架啦! 你係唔係想所有顧客都blacklist 你至安樂呢?! 你地啲野食唔係差, 但啲服務態度就bad bad bad bad bad . 請反省. 我唔會再幫襯你架啦!
张贴