壽司廣 (已結業)

星期六晚男友生日，諗住試下哩間咁多人讚好既壽司店，而家真係好後悔果晚去左哩間野到食..........我地係坐壽司bar，成晚都覺得好嘈....我可以清楚聽到房d人講咩....成晚都聽到房d人hehehaha既聲....招呼亦普通，坐左係個位到成分鐘先有人拎本menu俾我地...我地叫左個$450 既壽司set同牛肉set，我既壽司set有9件壽司+刺身+其他野，而我男仔叫左個sukiyaki既牛肉set都係有刺身同壽司，兩個set既大部份野都係一樣既，即係出事既係其中一樣大家都有食既野啦.....刺身有吞拿魚、尤魚同不知名魚(因為冇咩味所以食唔出佢係咩魚)各少少.....壽司就普普通通啦....最貴果個set都係得中toro架咋,唔算十分好食.亦唔算差啦...我懷疑係件海膽出事...件海膽唔夠新鮮....我食到一半有d想吐返出黎既衝動, 最後我都係吞左去算...食到咁上下佢地上味噌湯時我個肚開始唔舒服，最後都要去廁所..................出返黎坐左一陣見好d就埋單走.......果時淨係得我一個有事.....落左樓行左半條街到就到我男友肚痛....我地用最快既方法去廁所