鳳城酒家

营业中

休息中

是日同家人嚟咗呢间茶楼饮下茶，一坐低就叫点心，点心有好多传统嘢包括灌汤饺，真系灌汤饺因为系成只饺咁唔系啲汤浸住只饺果只，拎一只上碗然后笃穿佢就会有汤汁从饺子入面流出嚟，几好食，入面只虾好大只。虾饺皮薄饀多，虾大只爆汁几爽脆。牛肉又系唔错几好食，另外烧卖大大粒肉质好爽脆唔错。猪爽肚出面食唔到啦呢度竟然有得食仲整得好好食弹牙嘅，唔食就走宝。肠粉又滑又好味，叫咗鲜虾肠同牛肉肠，豉油有啲麻油味一食就知有调过唔系行货。每样都一样出色，大多数都系手工嘢出面大多数酒楼都冇得食只有呢度有，有时间再嚟。