爆汗串串 (已結業)

辣串火爆，激汗揮灑，呢幾個字，在我食完之後，體會好深刻。辣到我堅一頭汗，系四川的麻辣，很正宗，做為一個擁有晤知幾分之一的四川血統的我來講，小辣已經好受用，不過麻辣的味道卻是四川特別的，絕不是死辣，死辣真的冇意義，佢呢d系辣得來香，香得來辛，而大汗淋漓，好痛快的感覺。哈。中午價錢實惠，有飯有麵，有辣有不辣，辣又可以揀大中小辣，甚至有至岩香港人的BB辣。野飲好多選擇，為辣得快要死掉的舌頭降降火，我揀左酸梅汁，爽，即刻解辣，又可以再戰。位置算坐得舒服，仲有藍可以裝野，店家十分貼心，用埋一次性圍裙，就最好了，不會擔心辣油整污濁衫。酸菜豬肚麵，辣得好爽！香，麻，辣，衝擊我的嗅覺，酸菜豬肚好送麵，好味不在話下。配有酸蘿卜，喉嚨即刻降火。好正宗！