傷心酸辣粉 (金百利廣場)

朋友從深圳過來買野，因為中午趕時間，臨時決定帶距地食銅鑼灣金伯利既傷心酸辣粉，朋友叫左碗傷心酸辣米線走辣，其他人叫左傷心酸辣粉，點知距食食下發現湯裡面有隻熬左湯既小強！！當時我地全部人無曬胃口，因為朋友已經食左半碗先發現有隻曱甴，而且已經熬成湯，當時真係覺得惡心到想嘔，同店家講但距地個店長過來之後一直唔出聲無回應，來左2次度都係無講過野，我地問距想點解決，過左一陣距同寫字樓D人打電話，有位小姐同我解釋一大堆，然後話可以有同事陪去睇醫生，但醫藥費要我地自己比左先可以穩距地claim。

無論任何理由，係湯裡面有熬左既曱甴，已經證明呢間店衛生情況，然後解決既態度令我覺得唔係真心想去解決問題，一直強調公司行政指引所以要我地先去自己睇醫生再send receipt去claim，先唔講呢件事對我地精神上既傷害搞到以後都唔夠膽食湯麵，我地作為受害者，無話對我地提出額外賠償，仲要我地自己去買單睇病，只係比左fax no我地去話之後將睇醫生既證明傳比距地，其實先唔講額外賠償，系米應該人道甘先付醫藥費呢？仲話歡迎我地打去食環署，當時真係覺得把幾火，實在豈有此理。我地後來打電話去食環署然後將隻小強尸體交過去做證據，回復話要驗一下系咩品種，睇下有無毒定點，而家我個朋友都無食慾食野。

絕對真人真事，如果唔怕無食慾可以睇配圖。

1

1

1

1