濟州燒肉食堂

营业中

休息中

而家都係第一次食呢間濟州燒肉食堂， 佢位於德福二期food court隔離， 一嚟到即刻上傳統嘅韓式小菜四小碟， 同埋新鮮嘅沙律菜， 肥雞即刻試下佢嘅醃泡菜， 比較符合港人口味有少少甜啱曬肥雞食。今次肥雞揀咗豪快和牛燒， 一睇佢嘅雪花， 即刻流曬口水， 油脂包住成個口腔， 一啖和牛一啖飯， 無得輸。 再整多塊食堂牛小排， 呢個就係有傳統嘅韓式醃料， 燒完都唔使點任何像， 配埋爽口嘅泡菜洋蔥， 又係一啖一啖食唔停口。黎韓燒有點少得豬五花， 整塊濟州豪快黑毛豬五花肉，燒到佢嘅豬油滲曬出嚟，焦香嘅豬肉 簡直係韓燒嘅靈魂。主食肥雞嗌咗人參雞湯 同埋燉牛肋骨， 冬天食熱辣辣嘅湯品係一流， 佢嘅人蔘雞釀咗糯米喺入面， 奶白色嘅湯浸住啲白飯食， 完全係感受到幸福嘅滋味。 最後再整多盒芝士生蠔， 佢嘅海鮮湯汁連埋芝士溝埋一齊， 拎啲汁嚟撈飯成個海鮮都喺個口腔入面， 真係非常之刺激。