木玥巷 (已結業)

好想食台灣嘢，於是同朋友嚟咗朗屏站附近呢間餐廳食！嘢飲嗌咗一人一杯，白桃氣泡伯爵茶好特別，枝裝相有啲似酒，水果茶好大杯，係白桃味！小食合桃好脆好香口，一坐低店員就會比一小碟我哋！鮮蚵煎蛋好大份，上面啲汁酸酸甜甜好惹味，蚵仔份量都多，食完呢碟都飽咗8成😂蕃茄肉碎炒飯有啲泰國風味😂 吱埋青檸落去好fresh，啲飯炒得爽口，唔錯！三杯雞好大件雞肉，啲汁酸酸地，啲雞啖啖肉，又嫩滑！呢間餐廳坐得舒服，店員服務都好好！