敏華冰廳 (已結業)

今日難得可以早收工，當然要去買番啲野食，嘆番個下午茶，同屋企人分甘同味，慶祝一下啦。行到嚟文華冰廳，見到門口嘅面包櫃好吸引，企左係到望左陣，有幾款自家製嘅面包新鮮出爐。除左有菠蘿包，雞尾包之外，其他包都幾有特色呀，有貓山王脆皮榴櫣包，墨西哥奶皇包，脆皮叉燒包。一個嘅價錢唔貴，買兩個仲會平啲啲。款款都好吸引，我考慮緊要咩嘅時候，都有唔少人嚟買面包。最尾我都係選左脆皮叉燒包，一口氣買左4個走，11蚊2個。脆皮叉燒包個皮做得好好，好香脆，唔會係個啲一咬就散曬，啲碎跌到周圍個啲甘。內面嘅叉燒餡好多，叉燒食落唔冇肥膏粒，完美演繹皮薄餡靚。我外賣走，攞住一路行好香，未番到屋企已經食左一個了，屋企人都大讚好好味。下次經過試下買其他款試下先，又或者坐低食下。