二家姐正宗原味麻辣火鍋

营业中

休息中

住開果頭所以發現到呢間麻辣火鍋，第一次想入去食但係full house，第二日同朋友再去就食到上曬癮，好食到要臨走同店員讚啲嘢食好好味添！其實依家都keep住一個禮拜落去幫襯兩次，我同個friend都認為真係掂嘅麻辣火鍋係根本唔需要落豉油蒜頭香蔥呢啲調味料，啲餸就咁放落去滾熟就已經好好食。個人最鍾意同埋次次落去都一定會叫嘅係鴛鴦鍋，中間清湯底要來滾熟啲菜，外面就麻辣湯底... 不過我哋叫小辣，但第二日都有「菊花殘」嘅感覺。即炸魚皮係一定要叫嘅，炸大腸同炸豆腐又係超好食，但要快快脆襯熱食！竹笙同一級牛都會次次都order嘅！好少會寫食評推介，但呢間真係值得一試！