影片
更多
2018-07-18
1266 浏览
星期日7：30到，唔算好多人，一邊係火鍋 一邊係晚飯小菜。同爸爸媽媽三個人入座食小菜。餐牌都係普通酒樓expect到嘅餸見到有晚飯孖寶三個選擇$218 $228 $238 我地揀左個B餐 “冰燒三層肉+蒜蓉粉絲蒸貴妃蚌”，再寫一條”生蜢龍躉仔”落單嗰時，問左姐姐(化名A) 冰燒三層肉即係乜，以我地嘅認知，想知係燒肉定腩仔，A同我地講係咕嚕肉😱 咁可能我地真係食得中餐少，唔知啲咕嚕肉玩到分三層.....佢又講到繪形繪聲話咕嚕肉下面有冰鎮住咁我地都無理由仲要challenge佢。之後A就問呀媽要唔要試下例湯，係姫松茸煲雞，其實我地都諗好食乜，我就同佢講唔要，因為我唔係好鍾意出街飲中湯，但係佢好hard sell，仲同我地講啲湯係細宗上，呀女唔飲就嗌兩宗囉。於是呀媽見佢咁強推就嗌左兩宗。之後嗌埋條魚。跟住就開始出事。首先A過黎話啲湯原來無細宗架，要轉個例牌，我地已經話飲唔晒，不如取消左佢。A就夾硬話飲唔晒攞返屋企聽日再飲，然後就好快攞左三個碗同一宗平時去食6人餐8人餐嘅湯宗出黎，又無講過價錢。真係唔飲都好地地，一飲就瀨晒野，又苦又澀，啲雞腳一夾即刻連啲骨都粉碎。應該係擺左好耐翻煲再翻煲先可以
餐牌都係普通酒樓expect到嘅餸
見到有晚飯孖寶三個選擇$218 $228 $238
我地揀左個B餐 “冰燒三層肉+蒜蓉粉絲蒸貴妃蚌”，再寫一條”生蜢龍躉仔”
落單嗰時，問左姐姐(化名A) 冰燒三層肉即係乜，以我地嘅認知，想知係燒肉定腩仔，A同我地講係咕嚕肉😱 咁可能我地真係食得中餐少，唔知啲咕嚕肉玩到分三層.....佢又講到繪形繪聲話咕嚕肉下面有冰鎮住咁我地都無理由仲要challenge佢。
之後A就問呀媽要唔要試下例湯，係姫松茸煲雞，其實我地都諗好食乜，我就同佢講唔要，因為我唔係好鍾意出街飲中湯，但係佢好hard sell，仲同我地講啲湯係細宗上，呀女唔飲就嗌兩宗囉。於是呀媽見佢咁強推就嗌左兩宗。之後嗌埋條魚。
跟住就開始出事。
首先A過黎話啲湯原來無細宗架，要轉個例牌，我地已經話飲唔晒，不如取消左佢。A就夾硬話飲唔晒攞返屋企聽日再飲，然後就好快攞左三個碗同一宗平時去食6人餐8人餐嘅湯宗出黎，又無講過價錢。真係唔飲都好地地，一飲就瀨晒野，又苦又澀，啲雞腳一夾即刻連啲骨都粉碎。應該係擺左好耐翻煲再翻煲先可以搞成咁。
之後部長話貴妃蚌賣晒，叫我地轉蟶子或者扇貝，咁我地揀左蟶子。蟶子6隻係全晚最好食😅
之後擺底一碟燒肉，咦，又話係咕嚕肉嘅？於是另一位姐姐(化名B)過黎，話三層肉係燒肉丫無錯喎，頭先A言之鑿鑿話係咕嚕肉。B就好不解攞返個餐牌過黎，呢個時候A走過黎話”唉吔，睇錯左隔離枱個張單”。下？我之前問餐牌上面嘅餸關隔離枱張單咩事？A繼續兜。咁都算，照食費事同佢講，應該都只係A嘅問題。味道就係普通燒肉。
仲有條魚先最經典。一夾開，成條魚啲肉都瘀瘀黑黑，食左一啖，啲肉梅嘅，應該反左肚好耐，仲話生猛？！個部長過黎一見到就話幫我地換過條，又兜”頭先仲游水架，應該係條魚跌過落地啫”。心諗條魚跌到經絡盡斷喎。部長轉頭又過黎話魚又賣晒，叫我地揀過第二樣。
其實都食到一肚氣，我地都已經飽。
埋單之後，爸爸發現惠顧晚飯送乳鴿嘅乳鴿無出現，不過酒樓好似唔想補返，anyway食唔食都罷。埋單$680，食老麥無咁嬲。唔會有下次。
张贴