影片
更多
2015-10-08
462 浏览
朝早酒樓會有孖寶套餐，價錢都算OK。不過今日晏咗少少過咗孖寶時間，見到佢都有個點心拼盆，加埋一都要四十幾蚊，但都算乜點心都有啲(蝦餃、燒賣、粉菓、馬拉糕、叉燒包...)，食物係即叫即蒸，所以都熱。拼盆嚟咗之後，個粉菓都幾好食吖，下次可以再叫。排骨飯味道都OK，係份量少咗啲，兩歲半阿囡都可以差唔多自己食曬一個飯。
题外话/补充资料：
喱間酒樓晌商場入面算方便，今日帶住三個小朋友，所以就去咗喱間。等咗一陣先有阿姐開茶，佢好快咁寫咗三個茶位，我哋得兩個大人，咁當然係有疑問（因為去過咁多次都係寫兩個茶錢）！咁所以都問聲寫咭嘅阿姐架啦，我阿媽問咗兩次，個阿姐都啞咗咁（不過其實都慣）！咁覺得奇啦，再問佢，佢叫我問經理，咁我咪聽佢話去問啦，去問嘅時候，個經理個臉黑到呢+勁串咁話你哋五個人霸曬成張枱緊係咁計架啦，我哋公司不嬲都有咁嘅規矩！ 即係其實$6.6 我仲畀得起，但係洗唔洗好似去飲茶仲要畀你話？態度咁衰做咩啫， 講清楚咪得咯！佢哋從來名苑啲服務質素真係...真係差架啦，已經係畀錢啦，都要受氣，仲要啲人好似設局玩妳咁，真係好嬲！服務態度差
(以上食记乃用户个人意见 , 并不代表OpenRice之观点。)
张贴