漁家海鮮大排檔 (已結業)

東大街的食店，大概有九成的餐廳我都試過， 唯獨係呢一間。點解今次會黎食? 係因為朋友介紹。 喺廟宇隔離一條巷仔，有幾間比較隱蔽的食店我係一直都忽略咗。友人曾經提過要訂位的，今日放工喺冇預約之下及抱住有位就食的心態，都有一張枱俾我地。漁家小炒王唔會有多餘的油份， 所有食材新鮮，魷魚好爽，蝦乾好香，唔會乾爭爭，寸芯唔會淨係得個油。艇家海味蒸肉排 外面食的肉排通常都係得排骨，但係呢度的肉排真係一大舊，而且有啲肥豬肉連住，豬肉冇羶味，唔會太韌，只係用啲鹹魚仔蝦乾放喺上面蒸已經覺得好入味。鹹魚斑肉豆腐煲有鹹魚嘅香味，但可惜太多油啦!蒸蟶子蟶子都幾大隻，啲肉又唔會太韌。 蒜蓉粉絲好入味。炒菜心菜心都好爽脆，不過都係多油咗啲囉!蝦干生焗豆豉雞有好香嘅蝦干味， 雞都好滑， 不過真係太多油啦!飯後仲送一碟好甜的西瓜和橙享用。