影片
更多
2018-12-20
568 浏览
經理帶頭話食過依間餐廳好食，一行四人當然聽經理話，乖乖地跟住經理去覓食。其實早前已經有係openrice留意到依間餐廳，知道佢既特式所在係佢既背景故事，大和堂本身係一間百年中藥店行，結業後有位年青人租左黎做Cafe，但依然保留住中藥店既裝潢。可惜，自問唔算係一個食環境/對環境有好高要求既人，所以並無覺得特式裝潢異常吸引，大概就係「哦～幾得意呀」既反應吧。午餐時間黎到，發現都係無套餐叫既，所有飲品索價$4x一杯，我唔太喜歡飲咖啡，於是叫左杯$42既凍朱古力...諗住依個價錢，點都有返咁上下質素呀，點知一黎到，見到顏色淡淺，冰塊有大半杯已經知中伏，一飲，真係淡而無味，朱古力味薄弱，同我係茶記加兩蚊既凍朱無咩差別...真係好飲既凍朱我真係飲過，但依杯既質素，到底為何有自信定價四十呢?我地四個人，決定點四款食物share食～雞蛋仔與雞($108)，炸雞大概有六至七件，配一底雞蛋仔，再淋埋糖漿，依個組合係無得輸既，炸雞就算放耐左依然香脆，而雞蛋仔都做到外脆內軟既效果，鹹鹹甜甜咁幾滋味，我認為已經係四款食物入面最好既一款。招牌大和堂牛肉漢堡($138)，個包一黎到我地個個都嚇一嚇，點解咁迷你既？如
其實早前已經有係openrice留意到依間餐廳，知道佢既特式所在係佢既背景故事，
大和堂本身係一間百年中藥店行，結業後有位年青人租左黎做Cafe，但依然保留住中藥店既裝潢。
可惜，自問唔算係一個食環境/對環境有好高要求既人，所以並無覺得特式裝潢異常吸引，大概就係「哦～幾得意呀」既反應吧。
午餐時間黎到，發現都係無套餐叫既，所有飲品索價$4x一杯，我唔太喜歡飲咖啡，
於是叫左杯$42既凍朱古力...諗住依個價錢，點都有返咁上下質素呀，點知一黎到，見到顏色淡淺，冰塊有大半杯已經知中伏，
一飲，真係淡而無味，朱古力味薄弱，同我係茶記加兩蚊既凍朱無咩差別...
真係好飲既凍朱我真係飲過，但依杯既質素，到底為何有自信定價四十呢?
朱古力奶
$42
14 浏览
1 赞好
0 留言
我地四個人，決定點四款食物share食～
雞蛋仔與雞($108)，炸雞大概有六至七件，配一底雞蛋仔，再淋埋糖漿，
依個組合係無得輸既，炸雞就算放耐左依然香脆，而雞蛋仔都做到外脆內軟既效果，鹹鹹甜甜咁幾滋味，我認為已經係四款食物入面最好既一款。
雞蛋仔與雞
$108
64 浏览
3 赞好
0 留言
招牌大和堂牛肉漢堡($138)，個包一黎到我地個個都嚇一嚇，點解咁迷你既？如果係男士，相信一定食唔飽。
佢牛肉望落厚身，但一食肉質好散(其實一切已經散)，而且乾淨淨無肉汁，好食既係塊包烘過，鬆脆香口，薯條正路無特別。
招牌大和堂牛肉漢堡
$138
13 浏览
0 赞好
0 留言
香辣虎蝦意粉($128)，意粉彈牙，但醬汁較少，都幾dry下，掛唔到汁，虎蝦亦無咩味道，唔算好食，係食完已經唔記得有咩特別既一道菜。
香辣虎蝦意粉
$128
30 浏览
0 赞好
0 留言
傳統英式早餐($108)，如圖所見，佢有雞蛋、蘑菇、烤蕃茄、豬肉腸、煙肉、焗豆同麵包，一樣無特別既地方令人記得。
傳統英式早餐
$108
18 浏览
0 赞好
0 留言
依個價錢，可能星期六日或者夜晚黎chill下都接受到，但中午時段黎講，食物質素又唔算高，依個索價對我而言真係貴到飛起。不值不值。
张贴
