越南麵包

营业中

休息中

如果大家有去過越南既話，就知佢地既法包係幾咁平而足料好食。當然，依度係香港，當然無可能十幾蚊就食到個法包啦。今日就黎到「越南麵包」，想回味下法包既滋味。一睇餐牌，普通一份燒香茅豬扒麵包索價$82+10%，仲要唔跟餐飲...先論味道，佢係唔錯既，除左香茅豬扒，入面仲有炒洋蔥、醃蘿蔔、蘿蔔絲，每一啖都有菜有肉，足料。食完一個其實係夠飽肚。但依個價錢，我就覺得真心唔抵食啦，唔會吸引到我食第二次。當日到店，午餐時份都係小貓兩三隻，相信店家應該重新審視一下定價，以吸引客源。