759車仔麵 (已結業)

759車仔麵已經出咗名難食，不過四圍都無哂位，我地又拖住兩個老人家，無辦法之下迫住幫襯。唔知係我太耐無嚟定係新規矩，d侍應係都唔俾我地坐低，話要排隊買咗飛先，見到我地手上有飛先准坐。咁我話我老婆已經排緊隊，俾老人家坐低先又有咩所謂呢？不過d侍應都係死都唔俾我地坐。咁好啦，咪等多陣先坐囉。果然無令我失望，個麵仍然係咁難食。而成餐飯聽得最多嘅唔係「歡迎光臨」，而係「買咗飛先好坐低呀唔該」，真係食到一肚氣。