Chill Inn (已結業)

Lunch跟同事過咗Emax搵食，同事話之前食過，地方唔會好迫，坐得舒服。Lunch set嘅選擇都ok多，價錢亦都算ok，平均$60-70一個餐，包1杯飲品。我點咗簡單嘅卡邦尼意大利粉，雖然表面係簡單，但係要煮得好食都唔易，太多汁又會膩，太少又好乾。呢度廚師處理得唔錯，首先意粉軟硬度都好適中，雖然正宗係要求有少少實心，不過我怕太硬，呢度係啱啱煮透而有口感。撈埋溫泉蛋嘅蛋黃，加上煙肉嘅鹹香，整體水平唔錯。餐廳環境休閒舒適，相信夜晚去食晚餐都幾有情調，遲下有機會去試試個full menu。