銀龍粉麵茶餐廳 (已結業)

黎到鯉魚門，無咩好餐廳揀，咁就黎銀龍食。午餐又係無乜好揀，叫左一人一個常餐，今時今日加價加到四十元了。食物火速送到，賣相幾好。豬扒包，豬扒大大塊，幾有肉汁。叉燒湯意，叉燒好瘦有啲乾，意粉煮得淋，湯底ok。火腿奄列，幾嫩滑，煎得剛好。奶油脆豬包，不太硬，吸左牛油好味。沙嗲牛公仔麵，幾多牛肉，沙嗲汁好入味，公仔麵彈牙，無煮得過淋，味精湯底亦夠味。熱奶茶，香滑，茶奶比例剛好。熱菜蜜，好甜，都ok嘅。