阿德廚坊

营业中

休息中

自從轉左工，就成日同朋友食埋晚飯先走，是晚來到紅磡的阿德廚房試試，見佢卡位幾濶落，食客又多，應該不會太差吧。🥢例湯仲有中湯同西湯揀嘅茶餐廳，中湯忘了是甚麼啦，西湯就係羅宋湯，幾足料，味道都幾好。🥢自制回窩肉煲朋友點的小炒，佢對自制兩字好有意見，佢問有咩小菜唔係自制，唔通交黎咩，哈。味道正正常常，八成椰菜配上少量豆干同五花腩肉片，都ok嘅，幾十蚊有湯有飯有餐飲。🥢焗茄汁豬扒飯自己點左焗飯，個盤意外地大。茄汁甜甜酸酸幾好味，仲有瀜左嘅芝士，塊豬扒就薄切同無乜味，飯底有炒過，仲焗到有少少飯焦，唔差。☕熱奶茶&熱檸水正常茶水，唯個杯好黏立立。價錢唔貴，味道正常，卡位幾好坐，ok啦。