聚點 (已結業)

在尖沙咀買完野，同阿爸食個飯先回家，揀了在K11對面的茶餐廳，貪佢快靚正。點完餐後等食，店員送上碗碟，而筷子原本已在枱上，感覺滿衛生的店內不大，水吧在外邊，可以睇住店員沖茶，哈哈，各式各樣不同顏色的壺。隨餐送的老火例湯，是晚係老黃瓜豬骨湯，清甜非師傅，好飲。點雞送上的醬料，薑蓉，秘制口水醬，沙薑醬，我覺得三樣醬都好味，配雞好啱味，所以好貪心咁一件雞點齊三樣醬聚香雞半隻（$128）呢度個招牌菜喎，點番半隻食下先，半隻份量都不少，雞肉有咬口，皮下脂肪不多，原本個汁已經鹹鹹地，但點埋上面個三種醬更正，好味好味。豉汁蒸海上鮮（$88）有雞又有魚，叫左條豉汁蒸，是晚海上鮮係黃花魚，size剛好兩人份，魚肉十分嫩滑，蒸得剛剛好無過老，內臟已清洗乾淨，一點都不腥，而且沒有鱗，連皮食都無問題，正正正清炒時菜（$68）最後要返條菜啦，叫了炒芥蘭，很大碟嘅，芥蘭粗身爽脆， 咬落索索聲，唯美中不足是油了點，要炒得夠鑊氣都係無辦法的吧。白飯很大碗，有飯香。凍檸茶＆凍鴛鴦兩杯都要了走甜，檸茶檸香茶濃，鴛鴦奶滑，兩杯都好飲。店不大，食客不少，但坐位不算迫，而且櫈內可放袋，好方便。