影片
更多
2021-12-12
557 浏览
朋友生日一行六人約咗喺呢度食晚飯，我預先經openrice book咗六位同request咗到時叫甜品麻煩店員幫我寫happy birthday喺個碟上面～首先講下嘢食，我哋叫咗避風塘魷魚，避風塘蘿蔔糕，避風塘軟殼蟹，魷魚筒糯米飯，唔記得咩鴨腿，蟹粉蟹膏意粉，威靈頓牛柳，窩夫配開心果雪糕～呢度嘅避風塘整得幾香脆惹味，都幾出色👍魷魚鬚彈牙，軟殼蟹脆口，唯獨是個蘿蔔糕食落裏面好淋好滑，我哋個個都諗緊係咪畀錯咗黃金豆腐😐魷魚筒糯米飯都唔錯，魷魚燒得幾香，口感彈牙，糯米飯唔會黏到一pat野咁～鴨腿幾滑，感覺有啲似係慢煮出黎，配咗幾塊類似印度薄餅嘅東西，塊餅冇乜味亦唔香脆，有黃芥末醬同乳豬醬，有啲似中式片皮鴨～蟹粉蟹膏意粉個汁都幾濃郁👍 意粉個形狀好少見，似係店家手工製作，口感非常煙韌👍威靈頓牛柳落單嗰陣店員冇問話要幾成熟🤔 黎到切開裏面係偏鮮紅色，肉質口感唔錯，都幾juicy，算係一個成功既威靈頓牛柳既～最精彩係個窩夫！！由我落單到佢上檯等咗一個半鐘！！等到我地個個都謝晒。。。 因為生日嗰個唔知道我安排咗會寫上happy birthday同埋會有煙火蠟燭， 搞到好似我想食呢個甜品迫住佢哋陪我等
首先講下嘢食，我哋叫咗避風塘魷魚，避風塘蘿蔔糕，避風塘軟殼蟹，魷魚筒糯米飯，唔記得咩鴨腿，蟹粉蟹膏意粉，威靈頓牛柳，窩夫配開心果雪糕～
呢度嘅避風塘整得幾香脆惹味，都幾出色👍
魷魚鬚彈牙，軟殼蟹脆口，唯獨是個蘿蔔糕食落裏面好淋好滑，我哋個個都諗緊係咪畀錯咗黃金豆腐😐
魷魚筒糯米飯都唔錯，魷魚燒得幾香，口感彈牙，糯米飯唔會黏到一pat野咁～
鴨腿幾滑，感覺有啲似係慢煮出黎，配咗幾塊類似印度薄餅嘅東西，塊餅冇乜味亦唔香脆，有黃芥末醬同乳豬醬，有啲似中式片皮鴨～
蟹粉蟹膏意粉個汁都幾濃郁👍 意粉個形狀好少見，似係店家手工製作，口感非常煙韌👍
威靈頓牛柳落單嗰陣店員冇問話要幾成熟🤔
黎到切開裏面係偏鮮紅色，肉質口感唔錯，都幾juicy，算係一個成功既威靈頓牛柳既～
最精彩係個窩夫！！由我落單到佢上檯等咗一個半鐘！！等到我地個個都謝晒。。。 因為生日嗰個唔知道我安排咗會寫上happy birthday同埋會有煙火蠟燭， 搞到好似我想食呢個甜品迫住佢哋陪我等個幾鐘，個個都話不如取消order算，搞到我勁唔好意思！等個幾鐘咩心情都無晒了。。。。
(個窩夫都算外脆內軟，開心果雪糕味道幾特別，比較少見👍)
其實最後食左人均三百蚊大家都係完全唔飽，但實在唔想再等，寧願去隔離食個麥當當。。。。
奉勸大家真係有好多時間先好嚟呢度食飯，同埋所有嘢一次過落單唔好後加，唔係真係等到天荒地老都冇得食。。。。🙄🙄
张贴
