為食龍 (已結業)

餐廳中環餐廳: HungryDino(日本餐廳)食佢老味指數: 🌕🌕🌕🌕-之前係story見過好多人post好吸引，終於轉咗份輕鬆啲嘅工可以lunchtime慢慢去食嘢。佢個位置係SOHO區，唔算難搵。餐廳裡面都好多唔同恐龍裝飾，幾有心思。啲位都幾闊落，都坐得幾舒服（可能嗰日就打風，大家想返屋企多啲）。-🔥三色刺身丼飯定食:🌕🌕🌕🌑🌑叫完三色嗰個人，個飯嚟到食一啖蟹膏就好似想嘔)，即刻掉轉去食個bean curdset。。。個蟹膏唔係個個頂得順，我都覺得落少少豉油會好少少，個吞拿魚蓉同三文魚都幾新鮮。🔥Bean Curd Choice A:🌕🌕🌕🌕🌑個set有蟹膏三文魚子，明太子三文魚，柚子胡椒油甘魚蓉，和風汁帶子，芝士蟹子厚燒玉子。個人最鐘意帶子同明太子三文魚，佢每一舊份量都好足，唔駛擔心得五舊會唔飽。佢兩個配菜更加係又驚喜地好食，唔會係hea你嗰啲。-整體來講: 材料都好新鮮，調味唔會搶咗食材嘅味道。下次食嘅話應該會試下啲熟食，或者有機會試下個外賣團。