芝加哥串燒酒場 (太和中心)

世界盃就嚟開鑼，係時候約埋一班朋友去酒吧邊睇波邊飲酒。而大埔呢一間芝加哥串燒酒場，除咗飲酒仲有好多串燒選擇，唔怕睇睇下波覺得肚餓！去食串燒，一定要配啤酒，叫左支1664🌟仲有桂花味 KIRIN 生啤 🌟，隻味有幾特別，有清甜花香。炸大八爪魚足🌟八爪魚足比起一般魷魚鬚口感更柔軟，炸完一啲都唔乾，唔厚粉漿好好食。脆炸雞軟骨🌟好大份好多粒雞軟骨，趁熱食好脆，凍左就有少少硬。其他串燒一次過燒完上碟，擺盤好靚！叫左BB辣冇乜辣味，下次可以試小辣。一定要食鹽燒鮮白鱔串🌟，外樣燒到脆卜卜，但係白鱔依然好多汁，又厚肉又肥美。鹽燒牛舌心🌟 - 串燒必食嘅牛舌，肉質軟稔又滋味。煙燻和牛牛舌🌟 - 味道就比較特別，冇牛舌心咁稔。燒羊架🌟 - 佢係兩塊一排未切開，更加可以鎖住肉汁，脂肪唔多所以冇乜羊羶味。安格斯牛肉蘆筍串🌟安格斯肥牛冇筋，配埋露筍夠嫩冇渣，材料夠新鮮。鳳梨燒🌟 - 燒完好甜，食咗咁多肉食下菠蘿汁潤喉。燒新鮮翠玉瓜🌟 -單單燒翠玉瓜就保留到好多水份，夠哂juicy。招牌茄子燒🌟 - 仲有茄子好多汁，加咗蒜蓉同孜然粉好惹味。鹽燒雞翼🌟 - 雞翼吉開左少少，好方便食。燒牛油半熟帶子🌟 - 啖啖肉帶子