影片
更多
2019-12-31
189 浏览
今個月生日月，朋友們請我去食日本燒肉放題，估吾到質素非常高，令我一食難忘！地點非常方便，係佐敦站A出口行三分鐘，佢就係響-Hibiki 日本燒肉。好彩我朋友聰明，事先預訂左位。去到只需等左一陣，就已經入座。超驚喜啊！每兩位送新鮮熟食波士頓龍蝦，四位或以上再送喜之次！因為我哋夠四位，可以食晒兩樣海鮮啊！因為係刺身燒肉放題，除咗有刺身同燒肉外，仲有小食，沙律，天婦羅，炸物，海鮮，椒鹽燒，蔬菜等等，食物非常吸引！波士頓龍蝦嚟啦！餐廳幫我地切開咗四份，入面勁多膏，肉質鮮甜。最好食係個蟹鉗，因為係啖啖肉！喜之次需要用爐燒，我哋落咗少少黑椒同埋鹽，用嚟調味，只燒左一陣，就已經食得，啲魚肉非常嫩滑！另外肉方面，我哋叫咗澳洲和牛肉眼，澳洲和牛西冷，手羽(雞翼)，七味豚拖羅(豬頸肉)，澳洲和牛空腹，骨付雞肉腸，美國牛肋骨，米澤三元豚西冷。全部肉就咁燒已經非常好味！和牛入口即溶，極力推介。個人比較鍾意澳洲和牛肉眼，食落有牛味，正！刺身我哋叫咗:甜蝦，三文魚，帆立貝，海膽等等，全部都非常新鮮，好鮮甜！特別海膽，入口即溶，加埋塊青瓜真係非常Fresh！甜蝦都唔錯，可以再encore。食得日本放題一定要叫炸物拉
好彩我朋友聰明，事先預訂左位。去到只需等左一陣，就已經入座。超驚喜啊！每兩位送新鮮熟食波士頓龍蝦，四位或以上再送喜之次！因為我哋夠四位，可以食晒兩樣海鮮啊！
因為係刺身燒肉放題，除咗有刺身同燒肉外，仲有小食，沙律，天婦羅，炸物，海鮮，椒鹽燒，蔬菜等等，食物非常吸引！
波士頓龍蝦嚟啦！餐廳幫我地切開咗四份，入面勁多膏，肉質鮮甜。最好食係個蟹鉗，因為係啖啖肉！
喜之次需要用爐燒，我哋落咗少少黑椒同埋鹽，用嚟調味，只燒左一陣，就已經食得，啲魚肉非常嫩滑！
另外肉方面，我哋叫咗澳洲和牛肉眼，澳洲和牛西冷，手羽(雞翼)，七味豚拖羅(豬頸肉)，澳洲和牛空腹，骨付雞肉腸，美國牛肋骨，米澤三元豚西冷。
全部肉就咁燒已經非常好味！和牛入口即溶，極力推介。個人比較鍾意澳洲和牛肉眼，食落有牛味，正！
刺身我哋叫咗:
甜蝦，三文魚，帆立貝，海膽等等，全部都非常新鮮，好鮮甜！特別海膽，入口即溶，加埋塊青瓜真係非常Fresh！甜蝦都唔錯，可以再encore。
食得日本放題一定要叫炸物拉，呢間我極力推介榴槤炸彈。一黎到已經勁香榴槤味，外表炸到非常香脆，入面淡淡榴槤肉，非常足料，我起碼食咗三粒，哈哈。
飲品，甜品都可以喺出邊自助。
飲品除咗有罐裝外，仲有茶包可以沖。鍾意飲酒嘅亦都可以揀梅酒，紅白酒，柚子酒。
甜品除咗有蛋糕外，仲有雪糕甜筒等。甜筒係Dreyers，我就叫咗個柚子味嘅甜筒作為甜點。
呢一餐真係食到捧住個肚走，食物質素非常高！價錢亦都合理，每人大概$400左右，如果下次有朋友生日，我都會再同朋友過嚟幫襯！
张贴
