影片
更多
2020-05-16
275 浏览
喺大角咀附近返工，朋友話同我一齊食晚飯，佢上網搵到一間評價都幾高嘅餐廳，我見星期六，就叫佢去打電話book定位先，好好彩我哋都有打電話過去問，啱啱好我哋有最後一張枱啊，不過最遲都要七點幾交枱，因為佢之後都有客人嚟食嘅，我見到餐廳個生意都唔錯，所以都建議大家可以打電話去book位先，咁就費事要等咁耐啦，都可以比餐廳有個預算嘅。首先都想講吓佢嘅服務態度，服務態度都好好，因為佢知道我哋食飯嘅時間唔多，咁佢都打電話同我哋講話最好上網睇一睇個餐牌，可以第二日嘅時候打電話俾佢落咗單先，到咗嘅時候就唔使慢慢睇餐牌，就直接幫我哋落埋單，呢度都慳咗好多時間啊！而且呢個做法都幾聰明嘅，因為都可以俾我哋有好多時間去慢慢睇，但係如果係一大班人嘅話就比較麻煩啲，不過我哋兩個人就冇乜所謂啦，我哋前一日都係網上面一齊傾好食啲乜，咁到時一坐低就可以直接有嘢食到，都好方便嘅，而且我哋一入到去門口，店員都好驚我哋會好熱，都叫我哋入咗門口先，先至再慢慢量體溫，可以話店員嘅服務態度好好，同埋好細心呀！呢個都係比其他餐廳做得優勝嘅地方，所以我都優先講吓佢嘅服務態度，因為呢個係一個加分位。我哋叫咗三樣嘢食，一個嘢飲，首先嚟咗個嘢
首先都想講吓佢嘅服務態度，服務態度都好好，因為佢知道我哋食飯嘅時間唔多，咁佢都打電話同我哋講話最好上網睇一睇個餐牌，可以第二日嘅時候打電話俾佢落咗單先，到咗嘅時候就唔使慢慢睇餐牌，就直接幫我哋落埋單，呢度都慳咗好多時間啊！而且呢個做法都幾聰明嘅，因為都可以俾我哋有好多時間去慢慢睇，但係如果係一大班人嘅話就比較麻煩啲，不過我哋兩個人就冇乜所謂啦，我哋前一日都係網上面一齊傾好食啲乜，咁到時一坐低就可以直接有嘢食到，都好方便嘅，而且我哋一入到去門口，店員都好驚我哋會好熱，都叫我哋入咗門口先，先至再慢慢量體溫，可以話店員嘅服務態度好好，同埋好細心呀！呢個都係比其他餐廳做得優勝嘅地方，所以我都優先講吓佢嘅服務態度，因為呢個係一個加分位。
我哋叫咗三樣嘢食，一個嘢飲，首先嚟咗個嘢飲嘅，就係二世祖特濃朱古力，其實我好少飲朱古力㗎，不過我朋友就好鍾意朱古力，我覺得朱古力嗰個味道其實唔會話好甜，係一個大人嘅朱古力，嗰個味道其實係冇咁甜，而且都有少少澀口同埋有少少苦嘅感覺，但係飲落去其實真係好滑，同埋有好多朱古力，味道好濃，再加上佢個樽係自己設計嘅，上面都見到佢個招牌，隔離個小小嘅玻璃杯都好特別，賣相其實係真係可以加到分，佢一開始就上咗個朱古力，其實真係可以話打響左頭炮，首先都已經幫到佢為依一餐飯加咗唔少分。
另外就嚟咗個軟殼蟹漢堡配薯條，薯條係用咗原個薯仔，上面見到啲皮嘅，薯條嘅粗度係啱啱好，不過講吓個軟殼蟹漢堡包先，因為佢個軟殼蟹漢堡包其實真係好厚，所以我分開咗佢個軟殼蟹嚟食，一般來講軟殼蟹喺出邊餐廳食到都炸到好乾身，而且個味道都比較鹹嘅，但係佢呢度佢炸到唔係話好乾身，所以佢入邊其實保留左軟殼蟹應該有嘅鮮味同埋水份，所以其實佢個咸道都唔及出邊嗰啲咁鹹，所以呢個位其實佢做得係好嘅，不過佢個漢堡包個包皮其實係有落到牛油，個包都好香，而且佢都有特別去烘，所以佢呢一點都做到好細心，我都覺得係值得嘉許嘅，不過如果係成個包入邊本身有菠蘿，佢菠蘿佢都有輕輕咁樣去煎過，所以佢其實成個包食落去個感覺都好清新，同埋都好Juice嘅。
跟住就嚟咗個三文魚墨魚汁薄餅，呢個就反而有少少失望，唔知係因為佢個薄餅其實做到唔係好出色，或者係我個人唔係話特別鍾意食呢一個質地嘅薄餅，所以我反而對呢個係有啲普通嘅，不過其實佢個薄餅下便係加咗少少薯蓉，所以食落去其實個口感都豐富，佢啲芝士味都重嘅，不過可能係我個人本身問題唔係好鍾意食呢個薄餅，所以我覺得係我本身係有bise嘅。
最後我哋就叫咗個甜品，一個窩夫嚟嘅，只係個名就唔係好記得啦🤣，我覺得呢個窩夫係好食嘅，佢可以為呢餐畫上一個完美嘅句號，因為佢個窩夫本身係整到好軟身，甚至係有少少QQ嘅感覺，佢係有種好似加咗麻薯喺中間嘅，所以我第一次食到呢隻質地係有啲驚喜，但係我係接受到嘅，不過最特別嘅都係佢提供嘅兩隻醬，呢個就係抹茶味蛋黃醬，另外一個就係士多啤梨乳酪咁樣嘅，兩個味道亦都好特別，價錢亦都唔係話好貴，所以我覺得如果下次同朋友嚟食嘅話真係可以叫呢個甜品，而且佢配一個伯爵茶雪糕，個茶味都好重呀，所以我覺得係可以叫朋友一齊食㗎。
不過下次嘅都係想試一試佢個意粉，另外就係佢個益力多沙冰，下次有機會嘅時候都會再過嚟幫襯嘅，但係另外都講吓佢嘅環境衛生方面，咁間餐廳嘅裝修都好特別啦，有個開放式廚房，俾人個感覺都好安心嘅，另外呢店員都有戴上圍裙，間餐廳個感覺上都係乾淨嘅，冇乜嘢垃圾，而且防疫措施都做得好足，啲枱面嗰啲全部都好乾淨，裝修都好企理，所以餐廳都好值得大家推介， 配套都做得好好。
张贴
