影片
更多
2022-07-16
47 浏览
每次去令和鍋物酒場都唔會失望，好食之餘，食物同飲品選擇多，而且有啲CP值仲好高！ 😊👍串燒係必點之選，明太子醬免治雞肉棒入面有啲軟骨，令口感更有層次。燒白鱔肉夠厚，味道正常發揮。 🤤天婦羅大蝦，一份有5隻，炸漿夠薄夠脆，而且唔油。見到有個日本菌系列，突刺月見大啡菇非常juicy，配搭蛋黃汁又出奇地幾好食，呢個食法都幾新穎。 之前食過呢度嘅和牛壽喜燒，覺得味道唔錯，所以決定再食和牛。今次點咗火鍋，揀咗比較特別嘅湯底-醬油豚骨湯配青森縣黑蒜，一上菜已經聞到黑蒜獨有嘅味道，初時以為黑蒜味道會好霸道，但試咗一啖，覺得黑蒜同醬油兩者味道都幾平衝，同時食到黑蒜微甘苦味。主角A4日本和牛，200g大概有4大片，油花幾靚而且分佈均勻，食落非常香呀！呢度仲有多款日本清酒可以選擇，產地、味道及價錢等都一目了然咁列明。我就幾喜歡呢度嘅自家梅酒，味道唔錯，性價比高，一邊食串燒一邊飲真係好爽呀！😆😆😆
串燒係必點之選，明太子醬免治雞肉棒入面有啲軟骨，令口感更有層次。燒白鱔肉夠厚，味道正常發揮。 🤤
天婦羅大蝦，一份有5隻，炸漿夠薄夠脆，而且唔油。
見到有個日本菌系列，突刺月見大啡菇非常juicy，配搭蛋黃汁又出奇地幾好食，呢個食法都幾新穎。
之前食過呢度嘅和牛壽喜燒，覺得味道唔錯，所以決定再食和牛。今次點咗火鍋，揀咗比較特別嘅湯底-醬油豚骨湯配青森縣黑蒜，一上菜已經聞到黑蒜獨有嘅味道，初時以為黑蒜味道會好霸道，但試咗一啖，覺得黑蒜同醬油兩者味道都幾平衝，同時食到黑蒜微甘苦味。主角A4日本和牛，200g大概有4大片，油花幾靚而且分佈均勻，食落非常香呀！
呢度仲有多款日本清酒可以選擇，產地、味道及價錢等都一目了然咁列明。
我就幾喜歡呢度嘅自家梅酒，味道唔錯，性價比高，一邊食串燒一邊飲真係好爽呀！😆😆😆
张贴
