影片
更多
2023-02-03
36 浏览
餐廳：炊燒 (銅鑼灣)地址：銅鑼灣渣甸街47號采怡閣地下1號舖喺銅鑼灣捐窿捐罅其實都可以搵到唔少特色餐廳，行到入去渣甸坊呢個露天市集雲集嘅街道，竟然搵到呢間長期大排長龍嘅串燒店——炊燒，閒日7:00pm左右去到已經坐滿晒人，好彩去到嗰陣咁啱有最後一張枱，不過餐廳暫時好似唔接受預訂座位，要食嘅話就早啲去霸個靚位喇🤪炊燒開咗差唔多一年，佢哋主打各式各樣嘅串燒🍢、海鮮🦐、小食同甜品，有超過50款食物選擇，價錢中規中矩，不過最重要都喺夠晒人氣夠晒熱鬧😆，加上全港首推嘅綠豆同紫薯召皮，仲有$1一碗嘅冰粉，試問喺香港其他地方邊度搵到😍✝️紫薯召皮 $38/份一大塊用紫薯整成嘅皮包住香腸、木耳絲、蒜蓉等材料，外皮輕輕烤香有陣陣紫薯香味，咬落煙靭，內裡鹹香十足，夠晒豐富足料，真喺幾新奇👍✝️新疆羊肉串 $19/串羊肉肥瘦適中🐑，帶有少少脂肪，孜然粉同香料分解咗大部份羊肉羶味，卻又同時保留返少少羊香餘韻，如果多返少少肉汁就一流💦✝️爆汁牛丸 $18/串真心值得一試嘅爆汁牛丸🍡，粒粒爽口彈牙，牛肉味道濃郁，咬到中間位真喺有肉汁淺出🤩，相信唔加任何調味料都會好好食✝️黄金小饅頭 $28/份一份有五件，每件都喺新鮮即
地址：銅鑼灣渣甸街47號采怡閣地下1號舖
喺銅鑼灣捐窿捐罅其實都可以搵到唔少特色餐廳，行到入去渣甸坊呢個露天市集雲集嘅街道，竟然搵到呢間長期大排長龍嘅串燒店——炊燒，閒日7:00pm左右去到已經坐滿晒人，好彩去到嗰陣咁啱有最後一張枱，
不過餐廳暫時好似唔接受預訂座位，要食嘅話就早啲去霸個靚位喇🤪炊燒開咗差唔多一年，佢哋主打各式各樣嘅串燒🍢、海鮮🦐、小食同甜品，
有超過50款食物選擇，價錢中規中矩，不過最重要都喺夠晒人氣夠晒熱鬧😆，
加上全港首推嘅綠豆同紫薯召皮，仲有$1一碗嘅冰粉，試問喺香港其他地方邊度搵到😍
✝️紫薯召皮 $38/份
一大塊用紫薯整成嘅皮包住香腸、木耳絲、蒜蓉等材料，外皮輕輕烤香有陣陣紫薯香味，咬落煙靭，
內裡鹹香十足，夠晒豐富足料，真喺幾新奇👍
✝️新疆羊肉串 $19/串
羊肉肥瘦適中🐑，帶有少少脂肪，孜然粉同香料分解咗大部份羊肉羶味，卻又同時保留返少少羊香餘韻，如果多返少少肉汁就一流💦
✝️爆汁牛丸 $18/串
真心值得一試嘅爆汁牛丸🍡，粒粒爽口彈牙，牛肉味道濃郁，咬到中間位真喺有肉汁淺出🤩，相信唔加任何調味料都會好好食
✝️黄金小饅頭 $28/份
一份有五件，每件都喺新鮮即炸，食落仲喺熱辣辣、外脆內軟，不過饅頭香就唔算好出，蘸埋煉奶一齊食更加豐富滋味
蔬菜叫咗一份錫紙金針菇($38)同燒油麥菜($24/2串)，
前者浸泡喺牛油同調味料之間🧈，相當惹味，不過就真喺有啲重口味同油膩🤪，加埋蔥、蒜蓉同辣椒🌶️，辛香口味倍增；
油麥菜燒嚟食都喺第一次，食落爽脆有陣陣調味料香，如果你本身喺重口味人士應該都會幾鍾意😎
飲品叫咗杯百香水果茶($38)，當中除咗百香果之外仲有香橙同檸檬🍋，走冰又走甜咁先飲到真正鮮甜原味🥰，解渴一流🍹
张贴
