大圍小館

营业中

休息中

一間店舖怎樣設計裝修其實真係幾重要，於大圍就被呢間門外掛滿一個個紅紅燈籠的中菜館所吸引，好有中國風，店內感覺寧靜舒服，枱與枱之間有一定的距離，服務員亦親切有禮，不時向我們介紹菜式，一睇餐前小食就知呢間中菜館與別不同，甘草話梅涼瓜，桂花馬蹄，味道清新，厚切蜜餞叉嬈皇，應該有約1.5cm厚，肉軟，肥瘦適中，口感好好，豉油皇鮮鵝腸，感覺同平時食的鵝腸好唔同，好爽口，必試，脆皮炸鮮奶，好香奶味，又唔會太甜，啫啫唐生菜煲，轉左通菜，未行到埋枱已聞到好香的味道，令食慾大增，蔬菜新鮮嫩口，蜑家鴛鴦魷，乾魷香，鮮魷彈牙，芥蘭脆，蛋白薑米蒜香蟹飯，份量十足，再試埋個沙薑豬手同舟山海蜇，真係好滿足，整體黎講，真係一間好高質素的中菜館。