快樂漁港酒家

营业中

休息中

今晚Kiwi同友人们去咗鲤鱼门，食!海!鲜!行过每间海鲜舖都不断sell我地，最后拣咗呢间睇到海景嘅快乐渔港酒家。有啲酒家会逐碟唔同煮法唔同价钱，邢呢间就公道啲每人比100蚊就任你咩煮法煮几多都得。一叫完海鲜侍应就先送上豆腐汤，清清地几鲜甜。豉椒炒蛏子。蛏子好爽，配合埋个豉椒咸度刚好，真系可以捞几碗饭食。蒜蓉粉丝蒸扇贝。好鲜甜，蒜蓉味唔算太重同埋粉丝食一流。果皮蒸鲍鱼。虽然冇乜果皮味，但肉质ok，唔会韧。酥炸生蚝。好特别，外面好酥脆，入面个蚝都好有份量，唔错。一鱼两食，啲肉好腍，叫一种海鲜可以食到唔同口味，好抵食。最后有生果同椰汁桂花糕送，作个完美嘅结号。