道頓堀御好燒專門店 (荃灣廣場) (已結業)

因為朋友食過返尋味，而我又未食過，所以就決定黎食個晏晝～呢間餐廳岩岩到香港個陣好多人排隊，成日經過門口都見到好多人等。不過唔知係咩我地係星期一晏晝去，餐廳差唔多只得四五台客，頗冷清。午餐款式算多，唔一定要叫文字燒或者大阪燒，可以叫普通既燒肉餐。三個人分別叫左兩個文字燒同一個牛舌餐。包前菜同飲品。朋友個牛舌餐仲有得任添飯。野食好快到，不過張台放曬所有野食會比較迫，我地快手食完前菜就準備燒喇！餐廳提供左一張牌教大家點燒，第一次去都唔怕唔識整。燒左大概十分鐘就開始成形準備上碟，雖然坐係個爐隔離係有d熱，但係自己燒的確幾得意，值得一試。